Tratto da “A Crìa da Cumpagnia Armasca” – n. 59 – II Trimestre 2019
In t’ina stansa da vegia sacrestia
U ghèa ina cascia de legnu cena
de muci de candéa
Ma cande l’esté a se avijinava,
i muci de candéa i spaiva.
Intramentre in t’in magazin del’Arma,
Davide u scarpà,
u meteva da parte i feri du mesté,
e in autru travaiu
u se meteva a fà.
Fundi de legnu, cola,
carta velina culuà
e muci de candéa, da vegia sacrestia,
cianin, cianin
u se inciva da ciü parti de lümin.
Alantù u se avijinava
a grande fésta da maina,
e i pescaui de l’Arma vegia
za i sentivan l’emusiun
de purtà sciù u gussu
Sant’Ermu in prucesciun.
U mumentu ciù bélu de sta gran festa
u l’ea i lumin de nöte
pusèi, assesi, sce l’èiga,
a fasse dundulà
cüme se e stele destaché da u celu,
i se fusse pusè sce-e unde,
pé fasse in po’ cunà.
U mumentu ciü cumuvente,
pé contru, cu me fa vegnì in grupu aa gua,
a l’ea cande in mainà
u lansava ina cuona
sce-e unde du mà.
L.M.
In una stanza della vecchia sacrestia c’era una cassa di legno piena
di mozziconi di candela.
Ma quando l’estate si avvicinava,
i mozziconi di candela sparivano.
Nel mentre in un magazzeno di Arma, Davide il calzolaio,
metteva da parte ferri del mestiere, e un altro lavoro
si metteva a fare.
Fondi di legno, colla,
carta velina colorata,
mozziconi di candela, della vecchia sacrestia piano, piano
si riempiva dappertutto di lumini.
Allora si avvicinava
la grande festa del mare,
e i pescatori di Arma vecchia
già sentivano l’emozione
di portare sul gusso
Sant’Erasmo in processione.
Il momento più bello della grande festa
erano i lumini di notte
posati, accesi, sull’acqua,
a farsi dondolare
come se le stelle, staccate dal cielo,
si fossero posate sulle onde,
per farsi un po’ cullare.
Il momento più commovente,
invece, che mi fa venire un nodo in gola era quando un marinaio
lanciava una corona
sulle onde del mare.
L.M.
