Tratto da “A Crìa da Cumpagnia Armasca” – n. 52– I Trimestre 2017
A vote sciù caà da séa,
a pensu a u paise
che u ma vistu nasce,
e pensu a-a Rivéa,
chela tera duve a culina
a baixa e unde da maina.
Chela tera unde a gente
a l’ha trasfurmau in giardin
posti unde i nasceva
aastre, brüghi e agajin.
Chela tera unde u su
u se trasfurma
in öiu d’uiva,
unde e sciùe cui soi cùui,
i abelisce,
campi, fenèstre e barcui.
U l’è cuscì
che a vote,
sciu-u caa da séa,
a pensu a-a tera
che ma vistu nasce.
A pensu a-a Rivéa.
Chela striscia de tera
da Ligüia de punente
duve a riposa in pàxe
a me gente.
Luciano Marchiano
A volte, sul calar della sera,
penso al paese
che m’ha visto nascere,
e penso alla Riviera,
quella terra, dove la collina
bacia le onde della marina.
Quella terra dove la gente
ha trasformato in giardino
posti dove nascevano,
ginestre, eriche e il corbezzolo.
Quella terra dove il sole
si trasforma
in olio d’oliva
dove i fiori con i suoi colori,
abbelliscono
campi, finestre e balconi.
E’ così
che a volte,
sul calar della sera,
penso alla terra
che mi ha visto nascere.
Penso alla Riviera.
Quella striscia di terra
della Liguria di ponente
dove riposa in pace
la mia gente.
Luciano Marchiano
